Сепетиңиз бош
mozaBook программасы планшеттерде жана смартфондордо жеткиликтүү. Окуучулар санариптик китептерди каалаган жерде колдоно алышат. Жада калса офлайн режиминде да колдонууга болот. Класстагы топтук иштерге катышуу үчүн интерактивдүү тактада же компьютерде иштеген mozaBook менен туташтыруу үчүн мобилдик түзмөктөрүндөгү mozaBook тиркемесин колдонууга болот.
Жүктөп алып, акысыз колдонуп көрүңүз
Планшет жана телефон үчүн билим берүүчү тиркемелер
Окуучулар, активдештирилген китептерди жана дептерлерди планшеттерине жүктөп, жаңы публикацияларды сатып ала алышат. Жүктөлүп алынгандан кийин, санариптик китептерди жана дептерлерди офлайн режиминде колдонуп, алардын интерактивдүү мазмунун (3D үлгүлөрдү, видео сабактарды, сүрөттөрдү, аудиолорду, жумушчу барактарды) орнотулган плеерлер менен, Интернетсиз ача алышат.
Китептерди ачуу үчүн планшетте иштеген mozaBook тиркемесин, mozaWeb аккаунту менен байланыштыруу керек.
Издөө, жазып алуу, иштөө
Интерактивдүү мазмундар, санариптик публикацияларды башкарууну жеңилдетет. Камтылган издөө механизмин колдонуп, тексттин мазмунун издөөгө, чийүү куралдары колдонуп китептердин жана дептерлердин беттерине ар кандай чиймелерди тартууга, тексттин ар кандай фрагменттерин бөлүп көрсөтүүгө мүмкүндүк болот. Система, окуучуларды жаңы үй тапшырмалар жөнүндө кабарлап турат. Окуучулар мугалим жөнөткөн үй тапшырмаларды аткарып бүткөндөн кийин, аларды мугалимине жөнөтө алышат.
3D үлгүлөрүндөгү виртуалдык чындык
Окуучулар 3D үлгүлөрдү мобилдик телефондору аркылуу изилдей алышат. Эгер окуучулар телефондорун ылайыктуу VR көзайнектеринин ичине коюшса, алар дароо байыркы Афинада, Глобус театрында же Айдын бетинде боло алышат.
Класстык иш, Классты башкаруу
mozaBook мугалимдерге виртуалдык класс ачып, окуучуларды сабакка чакырууга жана аларды сабакка кошууга уруксат бере алат. Окуучулар өз планшеттери менен сабакка кире алышат. Ал үчүн мугалимдин компьютери жана окуучунун планшети бир Wi-Fi тармагына туташып турушу зарыл. Интернетке туташуу зарыл эмес.
Мугалимдер, ар дайым кайсы окуучу катышып, же кайсы окуучу катышпаганын көрүп, тапшырманын аткарылышын көзөмөлдөө үчүн скриншотторду кыла алышат.
Мугалимдер, китептин беттерин түздөн-түз окуучулардын түзмөктөрү менен бөлүшө алышат. Мындан тышкары, мугалимдер окуучуларга ар кыл тапшырмаларды, жумушчу барактарды, видеолорду же сүрөттөрдү жөнөтө алышат. Мугалимдер, ошондой эле, жумушчу барактарынын аткарылышын көзөмөлдөп, окуучулардын жыйынтыктарын компьютерден текшере алышат.
mozaWeb аккаунттары жөнүндө көбүрөөк маалымат окуу